專人，你好！

究竟「專人」何解？

case 1 (電話舖)
售貨員：小姐，你個電話要訂，咁你先落訂喇，到時記緊攜同訂金收據。
R: 哦..咁大概幾時有？
售貨員：呢個仲未知，到時會有專人通知你！

case 2 (客顧服務熱線)
(大家有打過這些電話就知道，情況非常悶納，好像捉迷藏般，不知要嘗試多少次才可以找到「真人」跟你對話)

R: 呀..我想問下我個plan甚麼時候到期？
客顧服務員：小姐麻煩是否機主本人？
R: 係呀
客顧服務:咁麻煩小姐全名及身份證號碼，要核對返個資料。
R: !(#&(!^#(*!u()
客顧服務: 咁小姐請你等等，我地會有專人幫你。

case 3 (投訴電郵)
R: 電梯的衛生情況非常差...
xx主任: 小姐你放心，我地會有專人替你跟進。

以上只是少部分例子，專人又何至咁少！？Um..我不明白喎。甚麼是「專人」，是人名嗎？是某個年代很常用的名字？何專人、李專人、黃專人？

是職嗎？你好，我今天來應徵做「專人」的。你好，我的職業是「專人」。

「專」是形容詞嗎？
專門的人？專門打電話通知客戶來貨到了，那麼應該是職業！不是形容詞了！？
專有的人？香港專有的人？咁特別？！
專家的人？嘩，不是嘛，打電話的專家？答問題的家？
專業的人？專家的專人！？heehee..
專心的人？找個正在很專心做事的人來幫我？那不是打擾了他？
專制的人？嘩，咁專制.. 問完幾時完約會唔會唔比我轉台架...

即係點解你唔幫我，要我等「專人」來幫我，而我又搞不清楚「專人」是甚人，跟其他人又有何分別，沒有的話，又為甚麼是叫「專人」！？